Fór í minn fyrsta golfkennslutíma í gær...Sem var mjög áhugaverður :) Kennarinn sem ég valdi mér ku vera einn sá besti á landinu; Úlfar Jónsson. Tíminn hófst á því að hann tók video-myndir af sveiflunni minni bæði að aftan og á hlið...Downloadaði þeim svo í fartölvuna og sýndi mér hvað ég var að gera vitlaust.

Ég var víst með mjög fína lokastöðu en það var líklega það eina góða við sveifluna mína ;P

Í fyrsta lagi þurfti ég að laga gripið...
Í öðru lagi þurfti aðeins að laga fótastöðuna...
Í þriðja lagi þurfti lítilega að laga aftursveifluna...hugsa meira um að lyfta vinstri hönd meira upp til að ná brattari sveiflu...
og í fjórða lagi þurfti ég að rétta aðeins betur úr bakinu...

Lykillinn á að fá rétta sveiflu var að laga gripið og fótastaðsetningu...hitt myndi í raun leiðréttast sjálfkrafa...

Eftir góðan hálftíma af sveiflum með og án bolta undir góðu eftirliti Úlfars var tíminn búinn (allt í allt 45 mínútur)...og í lok tímans var ég farinn að skjóta þráðbeint rúmlega 100 metra með sjöu :D

Svo maður spyr sig...hvers vegna byrjaði maður ekki sumarið á því að fara til golfkennara? :/

Um næstu helgi er stefnan sett á Borgarnes...Til að aðstoða Sidda við að flytja inn í nýja íbúð. Þ.e.a.s. ef pizzaveislan, bjórinn og golfferðin daginn eftir stendur enn til boða?

Er á brainstorma þessa stundina hvaða golfvörumerki ég ætti að fjárfesta í á næstu árum...Datt helst í hug Ping; Veit að Brynjar Bjarkarson er að fara fjárfesta í nýju setti næsta haust, Þarf að kanna hvort hann sé búinn að selja gamla settið??

Pokinn minn (sem er vel yfir 30 ára) samanstendur af þessa stundina af:

Dunlop Driver (11°) (sem ég er með í láni hjá vinnufélaga :)
Howson 3-tré Oversize (Keypt í Markinu Ármúla í byrjun sumars)
Um 30 ára gömul Slazenger Professional Járn (5,7,9; Ný grip)
1 árs gömul Howson Járn (4,6,P,S)
Forláta Putter sem er ekkert merktur...

Er einnig með tvær "alvöru" Slazenger trékylfur; 1 og 4 sem ég nota ekkert...enda um hálfgerða safngripi að ræða.

Nóg í bili...