Aðeins tæp vika í það að ég hefji för mína um Evrópu :) Ferðaplanið er nú ansi opið ennþá en það sem er ákveðið er allaveganna það að ég og systir mín (Ragga) fljúgum til Kaupmannahafnar 13.júní með morgunfluginu. Gistum þar eina nótt og fljúgum svo þaðan til Malaga á Spáni. Þar hittum við foreldra okkar sem eru þessa stundina í söngferðalagi um Þýskaland. Frá Malaga förum við með rútu til Almeria og þaðan til smábæjar á ströndinni sem heitir Agua Amarga. Þar er nefninlega systir mágs míns (frá Írlandi, giftur eldri systur minni, Ingunni) að fara að giftast Spánverja 16.júní.

Verðum á þessu svæði til 18.júní en þá ætlum við að leigja bílaleigubíl og keyra til Barcelona meðfram strandhraðbrautinni. Stefnan að vera komin þangað fimmtudaginn 21.júní (með mörgum stoppum væntanlega :P) og svo fljúga foreldrarnir heim 23.júní og ég og systir mín hefjum u.þ.b. 2 vikna InterRail ferð okkar 24.júní :) Stefnum að því að enda í Þýskalandi hjá vinafólki sem býr í Sasel í Þýskalandi (smábær ekki langt frá Kiel) á bilinu 7-9.júlí.

Við keyptum okkur svona 10/22 Global InterRail passa sem þýðir að við megum ferðast í 10 daga í lest á 22 dögum um alla Evrópu :)

Þau lönd sem mig langar að fara til eru eftirfarandi:

Frakkland
Ítalía
Króatía
Tékkland
Austuríki
Slóvakía
Sviss
Pólland
Þýskaland

og förum við alveg örugglega til eitthvað af þessum löndum.

Verður eflaust mikil rólegheitarstemning í Þýskalandi eftir þetta mikla ferðalag og fljúgum við svo heim frá Kaupmannahöfn 14.júlí.

--------------------

Þessi vika er annars búin að vera frekar mis hvað mig varðar :/ Á laugardagskvöldinu í póker/innflutnings geymi hjá Munda ákváðu endajaxlarnir að vera með leiðindi. Þrátt fyrir talsvert mikla ölvun þegar leið á kvöldið var ég hreinlega að drepast í kjaftinum :S

Þessir verkir voru nú ekkert að batna þegar á leið þ.a. ég skellti mér til tannlæknis í gærmorgun sem reif þá úr :) Reyndar búinn að vera óvinnufær síðan en þetta verður nú vonandi allt annað líf þegar þetta er gróið.

--------------------

Varð vitni af skelfilegum landsleik í gær :S . Alltaf leiðinlegt þegar Íslendingar verða að hlátursefni úti í hinum stóra heimi en ég er nú þannig að ég lít alltaf á björtu hliðarnar. Og í þessum leik var það klárlega Celtic pjakkurinn Theodór Elmar :) en að fá á sig 4 mörk á 11 mínútum er auðvitað hneisa og einhver verður að taka ábyrgð á því.



Sennilega eitt mesta klúðurmark knattspyrnusögunnar :/

--------------------

Væri frekar skondið ef þetta slúður sé rétt :) Best að krossa fingur og vona það besta :P

en jæja læt líklega ekki heyra í mér fyrr en eftir Evrópureisuna þ.a. ég segi bara ekkert stress og blessbless