Sælt veri fólkið

Gekk ágætlega á þessu Íslandsmóti í 9-ball á laugardaginn. Lennti á móti Ingu (sem var eina stelpan á mótinu) og vann 11-9, eftir að hafa lennt undir 7-9. Fékk svo allt of erfiðan andstæðing í 16 manna úrslitunum. Heitir Skúli og er einn af fremri snóker og 9-ball spilurum landsins; tapaði 11-4. En já samt mjög gaman að taka þátt :)

Um kvöldið fengum við Ægir meðleigjandi Gumma og frú í heimsókn og spjölluðum um heima og geima til rúmlega 02 en þá fóru þau heim og við Ægir kíktum aðeins í bæinn.

Á Sunnudeginum fór ég svo t.a.m í bíó á myndina Alpha dog. Var með smá efasemdir með þessa mynd þar sem ég vissi að stórsöngvarinn Justin Timberlake væri í einu aðalhlutverkinu. Þessi mynd kom samt mjög skemmtilega á óvart, sérstaklega sú staðreynd að Justin er greinilega vel fær um að leika :)

Annars ætla ég minnst að segja frá söguþræðinum en hún er víst sannsöguleg. Og ætti að vera stranglega bönnuð börnum yngri en 16 ára sökum ofbeldis, grófs talsmáta og kynlífsatriða en starfsmenn sambíós voru geinilega ekki mikið að spá í því þar sem krakkar allt niður í um 10 ára aldur var á myndinni :/

en jæja vonandi fín vika framundan...

Enn og aftur kominn föstudagur :)

Fór um síðustu helgi norður á Hvammstanga á þorrablót sem var mjög skemmtilegt eins og vanalega. Enn og aftur fór leikfélagið á kostum og nú með einum lengsta annál sem sögu fara af :) Eftir mat og skemmtun var svo stiginn villtur dans við undirleik stuðhljómsveitarinnar Spútnik.

HM í handbolta lauk einnig um síðustu helgi og endaði Ísland í 8.sæti sem telst nú bara viðunandi árangur. Þjóðverjar meistarar og allir ánægðir með frábært mót.

Liverpool var svo selt í vikunni til bandarískra fjárfesta sem ætla að gera klúbbinn að stærsta fótboltaklúbb í heimi og byggja þar að auki nýjan glæsilegan fótboltavöll, vonum að þeir standi við stóru orðin og verður mjög áhugavert að fylgjast með framvindunni.

Annars verður nóg að gera hjá mér um þessa helgi. Fer á þorrablót í vinnunni í kvöld sem endar að öllum líkindum með mikilli almennri gleði :) verð samt aðeins að halda mig á mottunni þar sem ég er víst að fara keppa á Íslandsmótinu í 9-ball á morgun :) og mun svo eflaust djammast eitthvað þá um kvöldið.

Ákvað nýlega að hressa uppá Myspace síðuna mína og er hægt að nálgast hana hér

annars vona ég að þið munið eiga ánægjulega helgi framundan

bæjós amigos